الاثنين، ٢٣ يوليو ٢٠١٢

ما معني مصمم المواقع Web Designer


مجال الكمبيوتر واسع جدا ... و كل يوم تسمع عن لغة برمجه جديده ... عن برنامج تطوير جديد ... عن تكنولوجي مستحدثه, وفي وسط الزحمه دي بيقف المستخدم العادي تايه ... مستخدم لسه حدود معلوماته عند الويندوز و الأوفيس و الانترنت ... نفسه يتعمق اكتر .. نفسه يكتسب مهارات اعلي .. لكنه مش عارف يبدأ منين ولا يعمل ايه
هاحاول في مجموعه مقالات اني أستعرض مختلف التحصصات في مجال علوم التطوير و ايه هي البرامج اللي محتاج تتقنها عشان تتخصص في المجال اللي يعجبك, قبل اي كلام لازم تعرف انك لما توصل لمستويات متقدمه هتلاقي كل التخصصات دي فتحت علي بعضها .. مع ذلك لو من البدايه حاولت تتعلم كل التخصصات دي مع بعض هتلاقي نفسك مش عارف تتقدم خالص .. اختار تخصص تتشد له في البدايه .. و قدام هتلاقي نفسك بتتطور لوحدك
 أولا ... تصميم المواقع و المنتديات
تعال نتفق الاول عايز تبقي مصمم مواقع Web Designer ولا مطور مواقع Web Developer
يمكن تسئل و ايه الفرق بين الأتنين؟, بص يا سيدي ...

مصمم المواقع  Web Designer

هو الشخص المسئول عن وضع الشكل العام للموقع Web Layout ... مسئول عن تنسيق الصفحات ووضع الاستايل الخاص لكل صفحه ... أيضا هو المسئول عن تعديلات التصميم اللي بيحتاجها الموقع لاضافه اقسام او ابواب جديده ليه ..
بيعتمد في عمله علي احد برامج تصميم المواقع الشهيره مثل Expression Web
بيفضل دوما انه يكون علي علم بلغه ( HTML( Hyper Text Markup Language

بسهوله اكتر ... حدود قدرات مصمم المواقع بتنتهي عند المواقع اللي لا يوجد بها تواصل بين الزائر و إدارة الموقع .. أو المواقع اللي الزائر بيحتاج يدخل يقراء المحتوي اللي فيها فقط بدون حاجه لإرسال بيانات لإدراه الموقع او التسجيل في الموقع او التفاعل مع محتويات الموقع

الجمعة، ٦ يوليو ٢٠١٢

شحن موبيلك عن طريق كاش يو?how to credit your phone online

من تجربتي - واتمني المساعدة

mobytop موبى توب تمكن المهاجرين من دعم ذوييهم فى أى مكان بالعالم عن طريق شحن رصيد الجوال الخاص بهم.
  1. تدخل علي الموقع  http://www.mobytop.com
  2. لا تحتاج لعمل حساب علي هذا الموقع 
  3. تقوم بأختيار كاش يو من علي الموقع
  4. تختار موقعك من علي الخريطه اليت امامك ثم اختيار دولتك. 
  5. تكتب رقم تليفونك وتختار العمله بالدولار.
  6. تضغط pay for credit 
  7. تكتب مسل حسابك بتاع كاش يو - ورقم حسابك علي كاش يو .
  8. وبذلك يتم تحويل المال الي موبيلك.
mohamed_ramzy86@yahoo.com

كيف تشحن كاش يو?how credit Cash u

من تجربتي - واتمني المساعدة


بالنسبة في مصر عن طريقتين:
  1. خدمة فوري  http://www.fawry.com/En/common/default.aspx
  2. خدمة بيي  http://bee.com.eg/
  • منتشريين في السوبرماركت والمحلات وهكذا هتلاقي العلامة علي المحل من بره 
  • BEE تأخذ خدمة مصاريف 5 %
  • Fawry تأخذ خدمة مصاريف 7%
  • هتروح للمحل تقوله اشحنلي علي رقم حسابي بتاع كاش يو - وطبعا قبل ما تروح لازم تعمل اككونت وهيبعتلك رقمك السري ورقم حسابك علي اميل بتاعك.
  • الشحن هيوصلك في نفس الوقت - طبعا بتحط الفلوس بالمصري هيتحولك بالدولار علي موقع كاش يو - 
  • دلوقتي تقدر تشتري اي حاجه من مول كاش يو الموجود علي موقعه- ذي (Jumblo-voip-skype-fring-nimbuzz..................)
  • مع مراعاة ان كاش يو بياخد خدمة مصاريف في حدود 2.5% مثلا في jumblo.
  • كل المصارف هتلاقيها مكتوبه علي الموقع https://www.cashu.com/site/ar/fees  .
mohamed_ramzy86@yahoo.com

الاوراق المطلوبة للسفر للدول العربية للعمل

من تجربتي - واتمني المساعدة
  1. باسبور ساري لا يقل عن مدة 6 شهور 
  2. اذن سفر للي معاه تأجيل و المعفي لا يحتاج
  3. تصريح عمل من قسم الجيزه او الدراسه . السعر حسب المهنه 
  4. الكشف الطبي
  • الباسبور بيتعمل في يومين بالكتير -  ب 120 جنية .
  1. احضار 2 صورة شخصيه خلفية بيضاء
  2. احضار اصل شهادة التخرج الجامعي
  3. احضار اصل شهادة الجيش
  4. احضار اصل شهادة الميلاد
  5. والافضل تأخذ نسخ منهم برده
  • اذن السفر بيتعمل في نفس اليوم وانت واقف من التجنيد - ب 17 جنية. 
  1. احضار اصل شهادة الجيش
  2. احضار الباسبور وبه التأشيره
  3. صورة البطاقة الشخصيه والباسبور وشهادة الجيش
  • تصريح العمل بيتعمل في نفس اليوم لو (تجديد)- وبعد يومين لو اول مرة تعمله- التكلفه حسب نوع المهنه.
  1. احضار اصل الباسبور وبه الـتأشيره.
  2. صرة البطاقه الشخصية والباسبور والتأشيره.
  3. صورتان شخصية حلفية بيضاء.
  4. مدته سنة فقط ويتم تجديده كل سنة او بأنتهاء مدة العقد.
  5. ده عامل ذي ضريبه بتاخدها منك الدوله (للاسف)
  • الكشف الطبي - بيختلف من دوله لدوله اختلاف بسيط - هتكلم للسعوديه.
  1. تأخذ ورقة النت(من مكتب التوظيف اللي بتتعامل معاه)
  2. هيقولك روح لمركز جامكا - بجانب القصر العيني - هيطلب منك اصل الباسبور وورقة النت - هيعطيك ورقة بها اسم ومكان مستشفي تكشف بيها - والدفع هيكون في المستشفي ب 350 جنية.(تحليل دم وبول واشعه وعظام)
      1.  والنتيجة بتستلمها من علي النت_ طبعا مكتب التوظيف اللي انت بتتعامل معاه بيتابعها.
  3. وهتكشف برده في وزارة الصحه ب 130 جنية.(تحليل دم فقط)- والنتيجة بتستلمها من علي النت_ طبعا مكتب التوظيف اللي انت بتتعامل معاه بيتابعها.
كلام من الاخر وثقه وعن تجربة - ---لو في اي خطأ ارجو التصحيح
mohamed_ramzy86@yahoo.com