الأربعاء، 14 مارس، 2012

how to complete of immigration paper to Canada ملئ استمارة هجرة كندا

الاسماء يجب ان تطابق الباسبور
اسم العائلة هو الرابع 
الجيفن نامز هي اسمك واسم الاب واسم الجد




الورقة الثانية شيدول 1 باك جروند ديكلاراشن
خد بالك واحدة لك ببياناتك وواحدة للمدام ببياناتها هي اوعي تغلط
ايضا السؤال التاسع عن السجل الاجرامي للشخص او تعلم علي ييس لتضيع نفسك كله نو مش معني انك اخدت يومين في الحجز انك تكتب ييس


اولا يجب ان تكون وظيفتك في اللستة الفيدرال ذات ال38 مهنة
مع العلم انك لو كنت تعمل في احدي تلك الوظائف سابقا (العشر سنين اللي فاتت) لمدة سنة فانه يجوز لك التقديم
ليس شرطا ان تكون المهنة تقابل المؤهل

نقطة الاختلاف الثانية ان التقديم الان لا يتم الي السفارة مباشرة بل وحدة في كندا اسمها
CENTRAL INTAKE UNIT موجودة في نوفا سكوتشيا


لها عنوان ترسل الطلب عليه ومعه الحوالة الخاصة بدفهع مصاريف تقديم الطلب

اليكم عنوانان لها

واحد عشان خدمة الكوريير التي تطلب اسم الشارع
والتاني بصندوق البريد
اولا العنوان المعتاد

Citizenship and Immigration Canada
Federal Skilled Worker
Centralized Intake Unit
P.O. BOX 7500
Sydney, NS B1P 0A9
CANADA

الثاني بالكوريير الي هي وسيلة بريد يعني
Federal Skilled Worker
Centralized Intake Unit
196 George Street
Sydney, NS B1P 1J3
Canada
-----------------------------------------------------
بالنسبة الي الابليكاشن المطلوبة هم اربع ورقات

ولكن لو متزوج تبقي عارف ان الزوجه ستكتب اثنين ايضا
شوف ازاي
الاول
[url="http://www.cic.gc.ca/english/pdf/kits/forms/imm0008egen.pdf"]http://www.cic.gc.ca/english/pdf/kits/forms/imm0008egen.pdf[/url]


طريقة ملاه سارفقها في الصور وده نسخة واحدة لحضرتك فقط 
الثاني
[url="http://www.cic.gc.ca/english/pdf/kits/forms/imm0008_1e.pdf"]http://www.cic.gc.ca/english/pdf/kits/forms/imm0008_1e.pdf[/url]


ده هيتكتب منه نسختين واحدة لك وواحدة للزوجة ولو فيه اولاد اكبر من 22سنة كمان هيكتبوه
الثالث

[url="http://www.cic.gc.ca/english/pdf/kits/forms/IMM5406E.PDF"]http://www.cic.gc.ca/english/pdf/kits/forms/IMM5406E.PDF[/url]
ده برضه هيتكتب مرتين واحد لك وواحد للزوجه ولو فيه اولاد اكبر من 22 سنة

الرابع
[url="http://www.cic.gc.ca/english/pdf/kits/forms/imm0008_3e.pdf"]http://www.cic.gc.ca/english/pdf/kits/forms/imm0008_3e.pdf[/url]
ده نسخةواحدة فقط احضرتك

يبقي اجمالي الاستمارات اربعة لو اعزب و 6 لو متزوج واطفالك اقل من 22 سنة


------------------------------------------------------------

هذا هو اسم الشخص الذي ستكون باسمه الحوالة البنكية 

تتوجه الي بنك نضيف بالنسبة الي مصر روح سيتي بنك او نوفا سكوتشيا بنك ولو قافلة خالص روح البنك الاهلي المصري

واطلب تعمل BANK DRAFT باسم 
Receiver General for Canada 

قيمة الحوالة كالتالي
فرد واحد 550 دولار كندي
انت وزوجتك 1100
انت وزوجتك وطفل واحد 1250 دولار كندي
انت ومراتك وطفلين 1400
انت ومراتك و3 اطفال 1550

قبل ان نضيع في التفاصيل كي تكون مقبول للتقديم لازم تكون جايب 67 نقطة في تقييم الهجرة الفيدرالي
تكون في وظيفة في اللستة 
ال67 نقطة من 100 علي الاقل
عوامل التقييم السن اقل من 49 سنة عشر نقاط
التعليم 20 بكالوريوس 25 ماجستر ودكتوراه
اللغة 16 الانجليزية ويلزم اثباتها بامتحان اليتس
الفرنسي له 8 نقاط ويلزم اثباته امتحان delf
خبرة العمل حتي 21 نقطة لو شغلك 4 سنين دائم او مايعادل 4 سنين لو دوام جزئي 
التوافق 24 درجة الزوجه لو متعلمة ومعاها بكالوريوس تعطيك 4 نقاط ثانوية 3 نقاط 
لو لك قرايب درجة اولي 5 نقاط
لو معاك عقد عمل من كندا 10 نقاط
لو سبق لك الدراسة سنتين نظاميتين في كندا خمس نقاط

المهم اذا تم حساب انك جايب 67 نقطة ووظيفتك في اللستة تبقي تقدم
طبعا قبل ما تقدم من الافضل انك تكشف طبيا انت والاسرة علي الفيروسات وعلي الامراض الخطرة بعد الشر لان لو فيه مشكلة طبية ممكن تعطل ملفك
هو الحقيقة الامراض المانعة كما قرات هي الامراض ذات الخطورة علي المجتمع او التي تتتطلب نفقات علاج عالية جدا بالاضافة الي الامراض العقلية والاعاقات الشديدة يعني مش شوية كحة ولا نظرك ضعيف تخاف مدام شايف قدامك يبقي تمام
--------------------------------------------------------
بالنسبة لموضوع 67 نقطة هاضرب مثال لشخص متزوج معاه بكالوريوس الخبرة 4 سنين ومراته بكالوريوس عمرة اقل من 49 سنة

السن يعطيه 10 نقاط
الخبرة 21
الزوجه 4 نقاط
اللغة انجليزي مثلا 12
فرنسي اعتبره صفر
التعليم 20 بكالوريوس 

كده يبقي جايب 67 نقطة وهو مثلا محاسب يبقي تبع اللستة يبقي يقدم

لو اعزب يبقي ناقصك اربع نقاط بتوع الزوجه ذات البكالوريوس
الحل هو اما تقوي نفسك في الفرنساوي وتجيب 4 نقط فيه او تشد حيلك في الاليتس وتجيب 16 او الحل الاجرامي الاخير هو انك تتجوز وده معناه التضحية بنفسك من اجل 4 نقاط

بعد اكمال الاستمارات الاربعة لو اعزب والستة لو متزوج وبعد عمل الحوالة الي الجنرال ريسيفر فور كندا 
يبقي تبعت الطلب للعنوان اللي كتبته في اول المداخلة وهو طبعا في كندا ومالكش دعوة خالص دلوقتي بمكتب الهجرة اللي في بلدك
هترفق مع الطلب صورة من باسبورك انت فقط كمقدم رئيسي
هترفق ايضا الحوالة البنكية عشان الراجل الريسيفر يصرفها 
هترفق ايضا ظرفين وسط شيك كده مكتوب علي احدهم اسمك و عنوانك بالعربي
والتاني اسمك وعنوانك بالانجليزي

ليه بقي عشان يبعتولك عليهم الرد وممكن ايضا يكونوا ستيكرز مطبوعة باسمك وعنوانك واحد عربي وواحد انجليزي
الموضوع سهل ما تعقدهوش 

ليس مطلوبا منك اي ارفاق لاي مستندات او صور من المستندات في هذه المرحلة 
و لاحتي صور وده افضل ( احسن لو شافوا صورتي هيرفضوني) 

--------------------------------------------------------
مواصفات الظرف 9 في 12 بوصة
او 23سم في 31 سم عشان التدقق والروقان
ابعتهم بالبريد السريع المصري تكلفة اقل 60 جنيه او 70 
او بالدي اتش ال التكلفة قد تصل 200 جنيه او اكتر
-------------------------------------------------------
دي ليستة الوظائف وهي قابلة للتعديل احتمال مع الميزانية الجديدة عشان بس ماحدش يزعل في شهر 11 طبعا معلومة غير مؤكدة برضه عشان طول الامل
إقتباس
0111: Financial Managers
0213: Computer and Information Systems Managers
0311: Managers in Health Care
0631: Restaurant and Food Service Managers
0632: Accommodation Service Managers
0711: Construction Managers
1111: Financial Auditors and Accountants
2113: Geologists, Geochemists and Geophysicists
2143: Mining Engineers
2144: Geological Engineers
2145: Petroleum Engineers
3111: Specialist Physicians
3112: General Practitioners and Family Physicians
3141: Audiologists and Speech Language Pathologists
3143: Occupational Therapists
3142: Physiotherapists
3151: Head Nurses and Supervisors
3152: Registered Nurses
3215: Medical Radiation Technologists
3233: Licensed Practical Nurses
4121: University Professors
4131: College and Other Vocational Instructors
6241: Chefs
6242: Cooks
7213: Contractors and Supervisors, Pipefitting Trades
7215: Contractors and Supervisors, Carpentry Trades
7217: Contractors and Supervisors, Heavy Construction Equipment Crews
7241: Electricians (Except Industrial and Power System)
7242: Industrial Electricians
7251: Plumbers
7252: Steamfitters, Pipe fitters and Sprinkler System Installers
7265: Welders and Related Machine Operators
7312: Heavy-Duty Equipment Mechanics
7371: Crane Operators
7372: Drillers and Blasters – Surface Mining, Quarrying and Construction
8221: Supervisors, Mining and Quarrying
8222: Supervisors, Oil and Gas Drilling and Service
9212: Supervisors, Petroleum, Gas and Chemical Processing and Utilities


------------------------------------------------------------
بعد ارسال الطلب تنتظر الرد خلال شهر شهرين في هذه الحدود
سيتم ارسال خطاب لك يفيد بقبول طلبك مبدئيا يعني انت كده مهيا للقبول ومطلوب منك ساعتها انك تتعامل بقي مع مكتب الهجرة الخاص بمكان اقامتك لو في مصر هيبقي في سفارة كندا بالقاهرة
لو في الخليج هيبقي مكتب لندن وهيدولك مهلة اربع شهور لانجاز المهمة او حسب الخطاب

في الخطاب هيطلبوا منك انك تبعت ورقك كامل الي السفارة في مصر مثلا مرفق معه الاثباتات والشهادات واثبات اللغة والدراسة والزواج والفيش والتشبيه وشهادات خبرة العمل وشهادات التعليم (بكالوريوس والدرجات لك لزوجتك )
المطلوب كل الشهادات ان تكون باللغة الانجليزية او مترجمة عند مترجم رسمي معتمد مثل فؤاد نعمة مثلا امام الحرية مول او الطوبجي في جوار وزارة الصحة المصرية

شهادات الميلاد تحصل عليها من الدور الثاني في وزارة الصحة وتملاها في الطوبجي وتاخدهاالوزارة تناني مختومة تروح الوزارة وانت معاك الشهادات الميلاد الرقم القومي الكومبيوتر عشان تخلص

قسيمة الزواج تطلع واحدة من اي سجل مدني بالرقم القومي غصب عن عين بتوع السجل لانهم بيستعبطوا احيانا ويقولوا طلع من المحكمة تكاسلا منهم حاولوا يغلسوا علي بس علي مين والبركة في مدام سمية هي اللي دلتني وبعدها تطلع علي وزارة العدل في لاظوغلي الدور مش فاكر كام العاشر واللا الاتناشر مش فارقة تترجمها

شهادات الكلية اما تطلع اساسا بالانجليزي او تترجمها لك ولزوجتك

شهادات الخبرة اما تطلعها انجليزي من الاول او تترجمها والشهادة المهم يكون فيها بداية العمل تاريخا ومهام عملك فيه ومؤرخة حتي يوم انتهاء عملك يعني 
تشهد شركة كذا بان السيد فلان يعمل محاسب في الفترة من الي (مهم جدا ) وانه يقوم بالعمل الاتي كذا وكذا
التوقيع وعنوان الشركة والتليفون 

التوثيق في الخارجية مش مهم 
خطاب التامينات مش مهم

لا تنسي صورة الاليتس

علي فكرة برضه الورق اللي هيتبعت السفارة كله صور 
الاصول عند المقابلة او عندما يطلبوها منكم ( هتاكد ثواني ولو مدام سمية تفيدنا يكون افضل)

هناك 5 تعليقات:

  1. عنوان المكتب المسؤل لهجرة كيبيك بكندا اللي هنبعت فيه الملف

    http://www.immigration-quebec.gouv.qc.ca/en/biq/damascus/reach.html

    ردحذف
  2. جزاك الله كل خير اخي الكريم وبارك فيك

    ردحذف
  3. احاول تحميل الاستمارة ولكن تاتيني صفحة انتظر رجاء ولا يتم التحميل نجحن في تحميل الاستمارة الثانية فقط

    والروابط الموضوعة هنا لا تفتح ؟؟

    ردحذف
  4. ممكن نموذج من شهادة الخبره لو سمحت علشان اعمل واحده نفسها

    ردحذف
  5. السلام عليكم ورحمة الله وبركاته وبعد ممكن تحسب لي النقاط للبيانات التالية وامكانية التأهيل :
    1- شهادة بكالريوس
    2- خبرة اكثر من 10 سنوات
    3- شهادة الايلتس
    4- العمر 46 سنة
    5- شهادة ماجستير للزوجة
    6- اختي تعيش في كندا / كندية
    7- قابلية التكييف لان الاطفال يردسون في مدارس انجليزية

    ردحذف