الأحد، 11 مارس، 2012

ways of immigration to Canada!!!


الاستاذ ادهم الشررقاوي من محاورات مصرية
لقيت عندى شوية وقت فراغ و دة نادراً ما يحدث قلت أروح أستخرج شوية ورق و وثائق رسمية إن شاء الله هنحتاجها وقت تقديم الفيدرال. أنا قابلتنى بعض الصعوبات و المشاكل و هسردها ليكم و أنصح أى حد عنده شوية وقت فاضى لا يتردد لحظة فى إستخراج هذة الأوراق لأن محدش عارف إمتى تانى هيجيلك وقت فاضى و يا عالم وقت تقديم الفيدرال إية اللى ممكن يشغلك و كمان عشان إن شاء الله لما تحصل على ال CSQ تقدم فيدرال تانى يوم الصبح.
  1. التقديم للفيدرال فى سفارة القاهرة:
  2. التقديم كما هو يوم الخميس من كل اسبوع ولكن ليس محصورا بين الساعه (10--12)ص فقط ولكن طبعا فى اوقات العمل الرسمي للسفاره
  3. تحضر كل الاوراق المطلوبه للتقديم و تطبع الورقه الخاصه بالتكاليف الخاصه بالتقديم من موقع سفارة كندا بالقاهره اطبع الصفحه التاليه (وخدها معاك):
  4. هتحمل الملفات ال PDF اللى فى اللينك دة و تملاهم و تطبعهم و تمضيهم طازة يوم التقديم: http://www.cic.gc.ca...application.asp
  5. التشك ليست بتاعة سفارة القاهرة: http://www.cic.gc.ca...ides/E37011.pdf
الأوراق المطلوبة:
---------------

- صورة جواز السفر.
- لو متجوز: واحد قيد عائلى مترجم فى وزارة العدل.
- لو متجوز: قسيمة الجواز بالترجمه بتاعة وزارة العدل.
- اصل السى اس كيو (النسخة اللى بتروح السفارة)مكتوب عليها من تحت immigration-canada.
- ورقة بتيجى مع السى اس كيو اسمهاavis de transmission .
- النسخة التانية من السى إس كيو و إوعى تحطها فى الفايل عشان دى هتمعل بيها لاندنج: للنسخه التانيه اللى مكتوب فيها من تحت titulaire
- شهادة الميلاد (يجب ترجمتها بوزاره الصحة و الشهادة ب 40 جنية)
- صورة شهادة الثانوية بلإنجليزى من الإدارة العامة للإمتحانات فى القصر العينى.
- بيان درجات ثانوى بيطلع من ومن الإدارة العامة للإمتحانات فى القصر العينى.
- صورة شهادة الجامعة.
- بيان الدرجات بتاع الجامعة.
- شهادة الخبرة ومعها (عقد عمل لو موجود- تامينات لو موجودة-بطاقة ضريبية - سجل تجارى) يعنى اى دليل مادى للخبرة غير شهادة الخبرة نفسها لو موجود بيكون افضل بكتير
- صورة شهادة الجيش مترجمة من معهد اللغات بتاع القوات المسلحة عند كوبرى الفنجرى فى صلاح سالم.
- أصل شهادات اللغة - ديلف - تى سى إف - شهادات المركز الثقافى.
- أصل الفيش والتشبية (فيش ليك و للمدام دول بتروح تطلعهم كمبيوتر و تاخدهم فى نفس اليوم معدش فيش البصمه اليدوى اللى بيقعد اسبوعين ده و تاخده تترجمه فى وزارة العدل فى المكان اللى بيترجم فيه قسيمة الجواز و تاخده فى نفس اليوم وترجمة الفيش الواحد ب 10 جنيها)
- نموذج ابليكشن الفيدرال.
- الباك جراوند ديكلارشين.
- اقرار الاقامة فى كيبك.
- معلومات اضافية عن الاسرة.
- الصور: 8 صور ليك تقولو مقاس 3.5*4.5 و خلفيه بيضا و الودان باينه ومساحة الوجه 2.5*3.5 ) و لكل واحد فى العيله و اكتب على كل صوره الاسم و تاريخ الميلاد وتاريخ الصوره و ياريت بالمره تعمل صوره عائليه كلكم فيها و تديهالهم هى مش مطلوبه بس اتصلوا بصمويل طلبوها منو واخرو البروسيس . طبعا الصور ليها حكاية شوية هتكتب على ضهر صورة من الست صور الاسم والطول ولون العينين وبعدين تحط الست صور فى ضرف صغير وتكتب على الظرف الاسم - تاريخ الميلاد ومتدبسش الصور فى الابليكشن – الصور لازم تطابق المواصفات اللى فى اللينك دة
here


- طبعا كل فرد من الاسرة له ظرف وفيه صوره بنفس الكيفية.
- افضل طريقة للدفع فى السفارة (يكون معاك الفلوس دولار كندى وتدفع كاش).
- الورق بيروح من غير اى دوسية فى السفارة هى بتحط الورق فى دوسية خاص بيها يعنى خدة فى اى شنطة وخلاص لغاية ما توصل.
- العنوان بمنتهى السهولة بتكتب عنوانك فى الخانة المناسبة للابليكشن فية عنوان اقامة وعنوان مراسلات.

- تذهب سيتى بنك (يوجد فرع جوار السفاره الكنديه بالقاهره) و تودع المبلغ المطلوب حسب عدد الافراد المتقدمين لحساب السفاره الكنديه بالقاهره (البنك يطلب التعامل بالجنيه المصري ) التكلفه موجوده بالجنيه فى الصفحه السابقه وكمان رقم حساب السفاره وبيطلبوا الورقه اللى انت طبعتها بتاعت التكاليف فى البنك.

- تأخذ الايصال مع 3 نسخ منهم وتضعهم مع الاوراق فى ظرف وتكتب عليه اسم المقدم الرئيسى و التليفون (لا تنسى الاحتفاظ بصوره من الايصال معك ده طبعا غير الثلاث صور المرفقين مع الأصل).
- البروسسنج فيز: 550$ دولار كندى للمتقدم الرئيسى و المرافق و 150$ دولار لكل طفل و دى Federal Precessing Fees.

- تذهب للسفاره و ترمى الظرف فى الصندوق وتنتظر الفرج من عند الله.

- الفايل نمبر الفيدرال: بعد 3 شهور من إرسال الورق للسفارة.

- بعد سنة أو أقل بقليل هيبعتولك إيميل أو بريد مسجل فية الفايل نمبر الفيدرال بتاعك أو هيكلموك أو هيبعتولك جواب الميديكال.

- لما تستلم الفايل نمبر الفيدرال بتدخل على السايت بتاعهم و تشوف أحوال الفايل بعد التقديم للفيدرال:
1. Application received
Application in process.2

و الطبيعى إنها تتحول لـ Application received فى خلال إسبوع من تقديم الملف.

- دة شكل من أشكال جواب/إيميل طلب الميديكال اللى بيجيلك منهم:

Dear Sir,

This refers to your application for permanent residence in Canada.

Please be informed that the medical examination forms have been issued for yourself and your family. They will be sent to your mailing address within the coming few days through DHL based on cash on delivery system; which means that you will have to pay the courier delivery charges directly to the DHL representative.

Your DHL tracking number is: ***********


** A visa officer requires the following documents in order to continue processing your application:
(X) You and your spouse are required to pay the Right of Permanent Residence Fee in the amount of $490 or (EGP 3020) each. This fee is refundable in the event that you decide not to proceed to Canada to be granted permanent residence. Please note the method of payment attached.

The medical we have requested must be completed within 30 days of the date of this email.

Subsection 16(1) of the Immigration and Refugee Protection Act, 2001 states that all questions pertaining to an immigration application must be answered truthfully and must provide relevant evidence and documents that the examining officer reasonably requires.

Failure to provide the requested documentation within 30 days will result in the application being assessed on the basis of the documentation presently on file. Please be advised that, as the documentation requested in this email is relevant to the final assessment of the file, failure to provide it will likely result in the refusal of the application.


Regards,
Visa Section
Canadian Embassy / Ambassade du Canada
6, Mohamed Fahmy El Sayed Street

Garden City, Cairo, Egypt
Fax: 202-2791-8864
E-mail:
cairo.visa@international.gc.ca
أولاً: شهادة الميلاد المترجمة بالإنجليزى من وزارة الصحة:-----------------------------------------------

طبعاً كالعادة المشوار متعب لأنه بعيد و التعامل مع الموظفين المصريين عموما صعب و لازم يكون بالك طويل جداً و تبقى هادى و تستحمل لأن مستقبلك متوقف على شوية الورق دة. أنا أيام تقديم الملف لكيبك بعتلهم شهادة الميلاد مترجمة من مكتب ترجمة عادى و أكيد الترجمة مش مختومة بختم النسر هى بس مختومة ختم صورة طبق الأصل من مكتب الترجمة, فى تقديم ورق الفيدرال, الشهادة اللى مطلوبة من حضرتك لازم تكون مختومة بختم النسر يعنى لازم تصدر من جهة حكومية.

رحت لمكتب الأحوال المدنية اللى جنب بيتى و إستصدرت 5 شهادات ميلاد مميكنة فى 5 دقايق و سألت يا جماعة هل ممكن من عندكوا أستصدر شهادة ميلاد إنجليزى مترجمة و مميكنة قالولى لأ لازم تشد الرحال على وزارة الصحة. ماكدبتش خبر و الساعة 8 الصبح تانى يوم كنت هناك فى وزارة الصحة فى وسط البلد فى شارع الفلكى, أى تاكسى ممكن يوديك هناك بسهولة و أنصح إن محدش يروح بعربيته أول مرة لأنه هيتعذب فى إيجاد الركنة, المهم, سألت قالةلى إدخل تانى باب كبير فى مبنى الوزارة و طلعت الدور الثانى و سألت بردو قالولى لازم تاخد الدور التانى لآخره شمال و هتعمل الآتى:

1- هتاخد معاك شهادة ميلاد, نسخة واحدة مميكنة عربى و تقوللهم أنا عاوز أترجمها.

2- هتدخل للست اللى قاعدة على إيدك الشمال و هتاخد منك الشهادة و هتطبعلك الترجمة و عدد النسخ اللى أنت طالبها فى دقيقتين مش مختومة ولا ممضية.

3- هتخش ع المكتب اللى بعديها, الموظفة هتراجع الترجمة حرف حرف و أرجوك راجع وراها لأنهم بردو على قدهم فى الإنجليزى.

4- هتاخد النسخ و تطلع بيهم على المكتب التالت و تدفع الفلوس, 40 جنية لكل نسخة و نصيحة عملية, إعمل 5 نسخ لأن محدش عارف الأيام اللى جاية مخبية إية و يمكن تحتاج نسخ تانية و أنت فى كيبك و ماتعرفش تجيبها و كمان عشان ماتضربش المشوار تانى فى حياتك لأنه علقة.

5- آخر مكتب دة هياخد وقت شوية لأن مديرة المكتب هى اللى بردو بتراجع تانى ع الترجمة و تمضى و تختم كل ترجو بختم النسر و هو دة المهم.

خلاص كدة, تصور الشهادة و تحطها فى الملف.

ثانياً: إستخراج كشف درجات و بيان نجاح الثانوية العامة:

----------------------------------------------------
  1. - من الإدارة العامة للإمتحانات فى شارع القصر العينى عند عمارة العرايس جنب روز اليوسف, أى تاكسى يوديك.
  2. - هتلاقى شباكين فيهم موظفين, الشباك الأول بتاخد منه الطلباللى لازم تملاهب و لكل ورقة بتطلبها ليها أبلكيشن منفردة.
  3. - هتشوف أنت عاوز عدد قد إية من كل حاجة, عن نفسى أنا طلبت 3 بيان نجاح بالعربى, 3 بيان نجاح بالإنجليزى, 3 كشف درجات بالعربى, 3 كشف درجات بالإنجليزى و دة طبعاً عشان ماأتعرضش للموقف دة تانى فى حياتى إن شاء الله و أكيد هحتاج الورق دة سواء فى كندا أو فى مصر و مش هيخسر.
  4. - هتاخد ال 12 أبلكيشن من الموظف و تملاهم و دة هيتطلب منك معرفة رقم جلوسك و مدرستك و إدارتك التعليمية و سنة التخرج.
  5. - أكيد العدد الكبير اللى أنا طالبه دة أثار إستياء و إستغراب الموظفين و قلتلهم أنا مهاجر و غالبا مش هقدر آجى تانى أعمل الورق دة فوافقوا على طول.
  6. - بعد ما تملى الإستمارات هتاخد بعضك و تطلع على أقرب مكتب بريد و تعمل حوالة بعدد الورق المطلوب, أى حاجة إنجليزى النسخة ب 10 جنية و العربى ب 15 جنية و تشترى دمغات و طوابع من البريد بردو و مكتب البريد بعيد بكيلو كدة من الإدارة و هو على شارع القصر العينى نفسه.
  7. - هتصور البطاقة و تلزق الطوابع, 3 طوابع على كل طلب.
  8. - هتقف فى الطابور و تسلم الورق و الحوالات و صورة البطاقة و إن شاء الله تيجى تستلمه بعد أسبوع.
  9. - نصيحة: تعالى على الساعة 8.30 كدة و خليك بدرى عشان يكون لسة الموظفين رايقين و مؤدبين و خلقهم واسع و تلحقهم و مزاجهم كويس و كمان عشان ماتقفش فى طابور و الزحمة.

جواز السفر:-----------

دة مفيهوش أى صعوبة, بتروح لمصحلة الهجرة و الجنسية التابعة ليها منطقطك و تاخد معاك صورة البطاقة و صورة 5x5 خلفية بيضاء و من غير نظارة و شهادة الموقف من الخدمة العسكرية و تشترى ورق الباسبور ب 113 جنية و تملا الورق و أنت واقف تسلم الورق للموظف المختص و تستلم الباسبور بعد يومين.

نصيحة: خلى المهنة فى الباسبور و البطاقة واحدة عشان لو أنت عاوز تثبت مهنتك فى الباسبور و فى البطاقة مكتوب طالب أوحاصل على بكالوريوس كذا هيبقى لازم تخبط مشوار للموارد البشرية عندك فى الشغل و لازم ساعتها يختمولك الورق.

بس ملحوظة علي السريع ودي عن تجربة
الثانوية مالهاش لازمة
القيد العائلي مش مطلوب
شهادة الجيش مش مطلوبة
شهادات الميلاد والقسيمة ممكن تترجهم عند اي مترجم معتمد ومش مهم وزارة الصحة ولا العدل وباكلمك عن تجربة فعلية




كنت عايز أوضح بعض النقاط المهمة بعد الحصول على السى اس كيو :

رابط موقع الفيدرال المعتمد
http://www.cic.gc.ca/english/immigrate/que...application.asp
دليل التقديم للحاصلين على السى اس كيوhttp://www.cic.gc.ca/english/information/a...ides/EQ7TOC.asp

1- application for permanent residencehttp://www.cic.gc.ca...imm0008egen.pdf

2- background declarationhttp://www.cic.gc.ca.../imm0008_1e.pdf

3-Additional family informationhttp://www.cic.gc.ca...ms/IMM5406E.PDF

4- declaration of intent to reside un Quebechttp://www.cic.gc.ca.../imm0008_5e.pdf

طبعا دول اللى السينجل بيملاهم و لا يقوم بتحميل use of a representative لان ده لو انت مقدم مع سمسار هجرة و هو المفروض بياخد منك كام الف دولار علشان المهمة العظيمة دى!!!

المهم فى كام ملحوظة :
1- و انت تملأ الابلكيشن الاول application for permenant residence قم بالتعليم على خانة Economic classes بدلا من fedral
2- لو انا سينجل اكتب ايه فى خانة family members اعتقد المقصود بها هو الزوجة و الاولاد فقط مش كدة ؟ يعنى ميتكتبش 
       

0 comments:

إرسال تعليق